Hawliau Pobl Ifanc

MAE’R CYFAN YN YMWNEUD Â CHI

Mae nifer o bethau y credwn y mae ar bob person ifanc yng Nghasnewydd ei angen fel y gallant gymryd mantais ar y cyfleoedd a’r dewisiadau a ddaw iddynt. Cyfeirir at y rhain fel ‘hawliau’ oherwydd dyma’r pethau y mae Llywodraeth Cynulliad Cymru yn credu y dylai pobl ifanc fod â hawl iddynt neu y mae ganddynt hawl i’w derbyn.

Credwn fod yr hawliau hyn yn bwysig i:

Helpu i wneud y dewisiadau iawn
Sicrhau datblygiad personol a mwyniant
Arwain bywydau buddiol

Fel person ifanc yng Nghasnewydd, mae gennych hawl i:

1. EICH HAWLIAU

Dysgu beth yw hawliau a’u deall.
Gofalu eich bod yn gallu eu hawlio a deall a derbyn y cyfrifoldebau sy’n deillio ohonynt.

Dolennau Defnyddiol

2. CAEL EICH CLYWED

Eich hawl chi yw cael y cyfle i gael eich cynnwys mewn gwneud penderfyniadau, cynllunio ac adolygu gweithredu a allai effeithio arnoch chi. Sicrhewch fod gennych lais, bod â dewis hyd yn oed os nad ydych yn gwneud y penderfyniad eich hun. Eich llais chi, eich dewis chi.

Dolennau Defnyddiol

3. TEIMLO’N FODLON

Teimlo’n hyderus a theimlo’n dda yngl?n â chi eich hun.

Dolennau Defnyddiol

4. ADDYSG A GWAITH

Gallu dysgu am bethau sydd o ddiddordeb i chi ac yn effeithio arnoch.
Mwynhau’r swydd a wnewch.
Cymryd rhan yn y gweithgareddau a fwynhewch gan gynnwys hamdden, chwaraeon, rhai artistig, hobïau a gweithgareddau diwylliannol.

Dolennau Defnyddiol

Addysg

Gwaith

5. CYMRYD RHAN

Cymryd rhan mewn gwirfoddoli a bod yn rhan actif o’ch cymuned.

Dolennau Defnyddiol

Gwirfoddoli

6. BOD YN UNIGOLYN

Cael eich trin gyda pharch ac fel rhywun cyfartal gan bawb.
Cael eich cydnabod am yr hyn sydd gennych i’w gyfrannu ac am eich cyflawniadau.
Dathlu’r hyn rydych yn ei gyflawni.

Dolennau Defnyddiol

7. MYNEDIAD RHWYDD

Mynediad rhwydd i gael y gwasanaethau gorau yn lleol ac yn genedlaethol. Bod gennych rywun ar gael i’ch helpu i ddod o hyd iddynt.

Dolennau Defnyddiol

8. IECHYD A LLES

Byw bywyd iach yn gorfforol ac yn emosiynol.

Dolennau Defnyddiol

Corfforol

Emosiynol

9. MYNEDIAD AT WYBODAETH A CHANLLAWIAU

Gallu cael gwybodaeth, cyngor a chefnogaeth ar ystod eang o faterion sy’n effeithio ar eich bywyd, pryd bynnag y bo arnoch eu hangen.

Dolennau Defnyddiol

10. DIOGELWCH

Byw mewn cartref a chymuned ddiogel.

Dolennau Defnyddiol

YDYCH CHI’N CAEL EICH UN CHI?
Dymuna Partneriaeth Plant a Phobl Ifanc Casnewydd sicrhau bod pawb sy’n byw yng Nghasnewydd yn gwybod am ac yn derbyn eu ‘hawliau’. Pwrpas y wefan hon yw dweud wrthych am ble y gallwch gael y cymorth, y gwasanaethau a’r gweithgareddau y mae gennych hawl i’w derbyn.

EICH DEWIS CHI, EICH LLAIS CHI
Mae’r hawl i gael eich llais wedi ei glywed yn un o’ch hawliau pwysicaf. Mae Cyngor Ieuenctid Casnewydd yma i helpu i sicrhau y gallwch wneud hynny ac mae’n agored i’r holl bobl ifanc rhwng 11 a 25 oed sy’n byw yng Nghasnewydd – ewch ati i ddweud eich dweud.